BLOG

October 27, 2025

by Mahadevaswamy

ಹಳ್ಳಿಗಳಲ್ಲಿ 9 ಗಂಟೆಯ ‘ನಮೋ ವೆಂಕಟೇಶ’

     ಐವತ್ತರ ದಶಕದಿಂದ ಮೊದಲ್ಗೊಂಡು ಎಂಬತ್ತರ ದಶಕದವರೆಗೂ, ಹಳ್ಳಿಗಳಲ್ಲಿ ಅದರಲ್ಲೂ ಪ್ರಮುಖವಾಗಿ ಒಂದು ವಾಣಿಜ್ಯ ಪ್ರದೇಶದಲ್ಲಿ, ಟೆಂಟ್ ಚಿತ್ರಮಂದಿರಗಳನ್ನು ಕಾಣಬಹುದಾಗಿತ್ತು. ಇಲ್ಲೆಲ್ಲಾ ರಾತ್ರಿ 9-00 ಗಂಟೆಯ ಒಂದೇ ಪ್ರದರ್ಶನ ಕಾಣುತ್ತಿತ್ತು. ಏಕೆಂದರೆ ಹಳ್ಳಿಗಾಡಿನ ಜನ, ಬೆಳಗ್ಗಿನ ಹೊತ್ತು ಯಾವುದೇ ಸಿನಿಮಾ ನೋಡುವ ಪರಿಸ್ಥಿತಿಯಲ್ಲಿ ಇರುತ್ತಿರಲಿಲ್ಲ. ಸಹಜವಾಗಿ ರಾತ್ರಿಯ ಹೊತ್ತಿಗೆ, ಅವರೆಲ್ಲ ಊಟ ಮಾಡಿ 9-00 ಗಂಟೆಯ ಶೋಗೆ ಹೋಗುತ್ತಿದ್ದರು. ಆ ಚಿತ್ರಮಂದಿರದ ಸುತ್ತಲಿನ ಹಳ್ಳಿಗಾಡಿನ ಜನ ರಾತ್ರಿಯ ಹೊತ್ತಿಗೆ ಒಟ್ಟಿಗೆ ಎಲ್ಲರೂ ಸೇರಿಕೊಂಡು ಒಂದು ಬಂಡಿ ಕಟ್ಟಿಕೊಂಡು ಸಿನಿಮಾ ನೋಡಲು ಹೋಗುತ್ತಿದ್ದರು. 7-00 ಗಂಟೆಯ ಹೊತ್ತಿಗೆಲ್ಲಾ ಚಿತ್ರಮಂದಿರದ ಮೈಕಿನಲ್ಲಿ ಹಾಡುಗಳು ಶುರುವಾಗುತ್ತಿತ್ತು. ಕೊನೆಯದಾಗಿ 'ನಮೋ ವೆಂಕಟೇಶ....' ಹಾಡು ಹಾಕಿದರು ಅಂದ್ರೆ ಚಿತ್ರ ಶುರುವಾಯಿತು ಅಂತಲೇ ಅರ್ಥ. ಹಾಗಾಗಿ ಚಿತ್ರಮಂದಿರದ ಹೊರಗೆ ನಿಂತವರೆಲ್ಲ ಅಲ್ಲಿಂದ ತಕ್ಷಣ ಹೊರಟು ಚಿತ್ರಮಂದಿರದ ಒಳಗಡೆ ಸೇರಿಕೊಳ್ಳುತ್ತಿದ್ದರು.